Usbau vom Reesholzer / Holthuuser Hafe


Leev Lütt,

öwer de jeplante Usbau vom Reesholzer / Holthuuser Hafe es zengerm ehschde Börjerdialoch am 26. Mähz letzt Johr vill jeschreewe wohde. Tendenz: De Enezjatore send doför; betroffene Anwohner, orjaneseeht en de “Börjerenizjativ Reesholzer Hafe“ (= BiRH), send dojäje, on de Stadt Düsseldörp hält sech bedeckt. OB Elbers häldet woll för onger sinn Wörde, op ne offene Breef von de BiRH an em ze antwohde. Em scheene de Entresse von bedochte Envestore woll wechtijer als de Sorje von sinn Börjer. Die äwwer losse sech nit so schnell entmotige. So hät de Börjerenizjativ am 20. Feberwar 2013 em Parrheem Itter ne Börjerowend zom Thema “Hafe‘usbau“ afjehalde.

Dä Lade wor rabbelvoll. Zoehsch jowe de BiRH-Jröndongsmetjleeder Ellen Förster, Schorch Huff sowies Fips on Meike Hitpaß ne usföhrleche Sachstandsbericht zom jeplante Contänerhafe on Ömschlachplatz. Dann kunnden de Börjer Frare stelle. Dank erstaunlech jroßem Sachverstand on fondierter Kenntnisse zom Thema odder zo Deelaspekte dovon entweggelte sech en lävhafte Tiskussjon. Alle För on Widder wohden oppet Tapet jebraht on erörtet. Anliejer, Natorschötzer, Börjerenizjativ-Metwerkende (och us Flehe) on angere Betroffene hadden sovill jot bejröndete Arjumente jäje dä jeplante, öwerdimensjoneehde Usbau zo nem Contäner-Ömschlachplatz, dat och de anwäsende Stadtpolliteker von de Jröne (Bellstedts Iris) on de CDU (Janetzkis Wolfjang) Bedenke kome. Se versproche, ehr Möchlechsdes ze donn, öm de berechtichten Bedenke an kompetente Stell vörzedrare. De Botschaff hör ech woll…

Quintessenz: De BiRH sollte eemol alle Bedenke en nem Memorandom zosammefasse on belächt bejrönde. Dann sollte se op jäde Fall erreeche, dat die Denkschreft von de Polletik on alle bedeelichte Entscheidongsdräjer ähns jenomme wöhd. Ferner sollte erreecht wehde, dat de BiRH, bei de Erstellong von de Machbarkeetsstodije voll enjebonde wöhd. Denn nor wennse bei de Machbarkeetsstudie von Anfang an bes zom End metwerke kann, wör dat Erjävnes ihrlech on jlövhaft. Et wöhd vill Ärjer on onnötze Jeldusjowe vermeide on zom Schloss zom bestmöchleche Kompromess för alle föhre.


Nix för onjot. Bes demnähst.
Üere
Charle-Manes
 
Hafen
 
Hafen
 
Hafen
 
Hafen