wenn Pollitekers dem Wahlvolk onanjenähme Entscheidonge verkönde mösse, donnt se sech domet emmer schwier. Bevör et sowiet es, eiere se so lang eröm, bes se ne Drieh jefonge hannt, dem jeneichte Wähler ze verklickere, dat se werklech alles nor Erdenkleche jedonn on versöhkt hädden, för öm jrod dat ze vermeide. Domet dat jlövhaft klengt, lasse se sech domet jähn vill Ziet. Zodem beopdrare se erjenswelche Experte on losse sech von denne e düer Jotachte usstelle, wo jenau dat drensteht, wat se drenstonn hann wolle. Et endet emmer domet, dat se de Lütt verklickere, dat de Entscheidong alternativloss sei, on domet so on nit angersch möchlech sei.

Äwwer dat stemmp natörlech nit. Mieschdens es alles bewosst so henjefriemelt wohde, wie de envolveehde Entressekreppkes et hann wollden. Dat Woht „alternativloss“ wöhd dabei emmer öfters als Dotschlacharjument enjesetzt. Doch dat stemmp nie. Alternatiwe jövdet emmer. Entswäder mr mähdet odder mr mähdet nit. So enfach es dat. Dat jildet och för onsre Duusendfößler.

Schonn als onsere Ex-OB Erwin de Kö-Bore en si Projramm opjenomme hät, stung fess, dat domet de Däch vom Duusendfößler jezällt wore. Alle Arjumente on Proteste dojäje wohden erbärmongsloss ongerjeböjelt. Do hät weder dat Arjument von Pufkes Drea, Baas vom Amp för Denkmolspfläje beem LVR, jenotzt, dat dat Bauwerk onger Denkmolsschotz stüng, noch de Proteste von Düsseldorwer Börjern on Heemotvereenen. Och de Börjerenizjativ „Lott stonn“ kunnt nit erreeche, dat Erwe vom alde Stadtplaner Tamms ze erhalde. Dat Jotachte vom dörch de Stadt beopdrachde Enschenschörbürro feel erwahdongsjemöß so us, dat Vochtsberjers Harry, dat es de zoständije Verkiehrsminester, nix angersch öwrich bleev, als de Afress ze jenämmije. Schad dröm.