ne Hoope Preise för Felm on Fähnsiehe


Leev Lütt,

de Ammis hannt de "Oscars". Die verlennt de amrikanesche Felmakamie. Zenger 1929 wehde domet dat odder die Beste us de Felmendostrie jeihrt. En 30 verschiddene Katejorie. Dat jeht emmer met vill Tamtam öwer de Böhn. Sit 1949 jövdet analoch dozo och de "Emmys". Dat es quasi datselwe för die Lütt us de TiVi-Prodoktzjon. Weil die enzwesche en Onzahl von Katejorie hannt, es do noch mieh Tamtam dobei als bei de Oscar-Verleihonge. "Wat die Ammis künne, künne mer schonn lang", hannt sech 1951 de Jermane jedacht. So wohd dann och ne Deutsche Felmpreis ent Läwe jerope. Vom domolije Bondesenneminester Lehr. Dat es dä, noh däm en Düsseldorf en Uferstroß am Rhing benannt wohde es. 1999 hät de deutsche Felmpreis de Spitznom "Lola" verpasst jekritt. On sit 2005 deht de deutsche Felmakamie de Preisträjer ermeddele on uszeechne.

Wat de Felmlütt reiht es, es de Fähnsiehmakadoresse bellich. So hannt die sech och ne Preis jebastelt. Weil zwee besser send als eene, hannt se sech jlich Stöcker zwee dovon verpasst. Eemol de rennommeehde Jrimme-Preis. Jesteftet vom Volkshochschollverband. Verjäwe sit 1964 vom Jrimme-Enstetut en Marl. Met ohne Tamtam. Weil de Fähnkickmakadoresse äwwer och jet mit Tamtam hann wollden, hannt die sich dann 1999 och noch de Deutsche Fähnsiehpreis jejönnt. Dä 13. dovon leef Anfang des Mond öwer de Beldscherme. En 19 Katejorie wohden Preise verjäwe. Düsseldorf wor och dobei. De Öwerdrarong von de Lalala-Europameesterschaff hät en de Kate­jorie "Beste Ongerhaldong" jewonne. Bei de Entertainer hät Raabs Stefan dat Renne jemaht. Vör Jauchs Jünther. Trotzdemm donn ech mech nähste Friedach widder "Wä wöhd Milljonär?" ankicke. Die Sendonge send och dann noch luurenswäht, wenn de Kandedat et mol versemmelt.


Nix för onjot. Bes nähste Woch.
Üere
Charle-Manes