ech kann mech noch draan erennere, dat de Pollezeibiampte hee nochem Kriech all Nömmerkes an ehre Uniforme draren mossden. Dat hadden de Tommis so verföcht, die hee Besatzongsmacht wore on domet de Pollezeihoheet ennehadden. Am 1. Oktober 1953 jeng die op dat enzwesche entstangene Bondesland Nordrhein-Westfale öwer. Als eene von de ehschde Maßnohme, die ons Zivilrejalt drop jetroffe hät, wor die, dat ne Putz ki Nömmerke mieh drare mosst.

Medde de Achzijer hät Düsseldorfs Pollezeibaas Hans Lisken versöhkt, de Kennzechnongspflecht widder enzeföhre. Schupos sollden jröne Scheldches kreeje on de Kripo blaue. Beeds met wisse Schreft. De Versöhk es äwwer am Widderstand von de Personalverträtonge jescheitert. Zor Ziet es et hee eso, dat ne Maschores zosamme met sinn Uniform och e Nomensscheldche kritt. Jemäß Erlass 44/43.2 – 63.01.01 vom 31. Mähz des Johr blifft dat Anläje jedoch jädem selfs öwerlosse.

En Berlin hannt Ennesenator Körting on Pollezeichef Glietsch jäje erbetterte Widderständ von Personalrot, Jewerkschafte on CDU nu dörchsetze künne, dat för Berliner Polleziste af Jannewar 2011 Kennzeechnongspflecht besteht. Entswäder met Nome odder met e fönfstellich Nömmerke. Hengerjrond för die Maßnohm woren widderhollte Vorwörf jäje Berliner Bullizeste wäjens reihtswiddrije Jewalt, die nit opjekliert wehde kunnte, weil de handelnde Biampte nit identifizeeht wehden kunnden. Ämnestie Enternazjonal säht dozo: "Wenn dodörch Öwerjreffe von Tätern en Uniform besser opjekliert wehde könne, so deht dat dat Vertraue en de Pollezei ensjesamt stärke."