Autowerkstätte onger de Lup jenomme


Leev Lütt,

deese Sommer hannt de ADAC Mönche on de Steftong Waretest us Berlin jemeensam de Sörvis von Autowerkstätte onger de Lup jenomme. För öm dat ze pröfe, hanntse en fuffzehn Vehikel von Mercedes, Opel, Rennoh, Toyota on Volkswaren emmer fönf Fähler enjebaut: Zo wennich Loft en nem Riepe on zo wennich Flössichkeet em Köhler, ne Schingwerfer verstellt, e Lämpche beem Nommerscheld henge kapott jemaht on de Uspoff usjehange. För de Stechprobe wohden dann sowoll je fönf Fachwerkstätte als och freie Werkstätte von "ATU" on "Meesterhaff" usjesöhkt.

Do send se dann emmer met fönf Äutokes hen. För öm ze kicke, off de opjesöhkte Werkstätte de enjebaute Fähler em Rohme von en jrote Enspekzjon fenge. De Erjävnesse send ongerscheedlech usjefalle. Mar een eenzije Werkstatt, die von Schäfers Pitter us Könichsbronn, hät volle hondert Pönkt jekritt. Schleihtste wor Manni Jokeits Lade en Edewecht. Do jowet mar 15 mickrije Pönkt.

De Erjävnesse wohden dann von beeds de Tester en de Septämberusjowe en ehr Zietschrefte veröffenslecht. Vom Automobilklub en de "Motorwelt" on von de Steftong Waretest en "test". Wemmer beeds de Zietschrefte drop ankicke deht, fällt eenem op, dat bei de Berechterstattong dodröwer de ADAC janz klor de Nos vöre hät. Do kannste bei alle 75 Werkstätte jenau sünn, wie jede eene von denne afjeschnedde hät. Bei de Steftong Waretest hät Bätes Primus, dat es denne ehre Baas, et sech verkniffe, alle Werkstätte dat jenaue Erjävnes zozeordne. Waröm? Weil dat mar en Stechprob jewäse sei on kinne Volltest. Trotzdäm, de ADAC hölpt de Lütt domet mieh.


Nix för onjot. Bes nähste Woch.
Üere
Charle-Manes
 
 
 
Antwort der Stiftung Warentest