för städtesche Stroße on Plätz jöwet zengerm Meddelalder öffensleche Belöchtong. Fröher wore dat Pechfackele on Kähze. Dann jowet Petrolejom, jefolcht von Jas- on lektresche Latitsche. Weil lektresche LED-Löchde 80 % bellijer send, wennijer CO² usstoße on heller Lecht jäwe, donnt de Stadtwerke de Jaslatähne sehr zom Leedwäse von Henkels Jabi pö-a-pö ömröste. Wennse domet fähdich send, wehde och de letzde Latähnepitsche de Verjangeheet anjehöre.

Wat äwwer es ne Latähnepitsch? Janz eenfach, eene dä de Jaslatitsche an- on usmäht. En Düsseldorf kom mem 19. Johrhondert och de Jasbelöchdong. De Stadtwerke hannt domols lokale Hangkwerksmeester ongascheeht, die för jot Jeld en ehrem Veehdel owends de Jaslämpkes -so Stöcker 30- anjemaht hannt. On morjens doför jesorcht hannt, dat die och alle wieder us wore.

Nochem Kriech wohd dat System ömjestellt. Et Anknepse wohd dörch de Erhöhong vom Jasdrock en de Liedonge automatesch usjelösst. Dörch morjensleche Drockafsenkong jenge die och widder us. De Latähnepitscher-Job hät sech dodörch jewandelt. De Stadtwerke scheckden jetz eejene Metärbieder met Beiwaremoppeds dörch de Stadt. Die mahden owends noch usse Latähne an. On morjens noch anne Latüchte us. Wennste hüttzedach noch ne Latähnepitsch erläwe wells, mosste schonn anrope on melde, welche Latähn nit rechtich fonkzjoneeht. On dann mar e besske wahde.