letzde Ziet passeeht et döckes, dat jrößere Bauvörhawe dörch Jerechte jestoppt wehde, weil se met de bestehende Jesetze nit em Enklang stonnt. 2wee Beispills doför hee us NRW: Eemol de Bayers CO-Rohrliedong von Läwerkuse noh Üerdenge. On zweddens dat EON-Kohlekraffwerk en Dattele.

Jäje beeds de Projekte hannt Anliejer jeklacht on von de Jerechte öwer verschiddene Enstanze och Rääsch jekritt. Domet mösst so e Projekt eejenslech jestorwe sinn on de Röckbau bejonne wehde. Äwwer hee es dat nit eso. Waröm? Weil de betroffene Endostrie dann enfach ehre Lobbyjeste so lang op de pahlamentaresche Entschiedongsträjer enwerke lösst, bes die de Jesetze nohdrächlech zom Wohle von de Endostrie so jeängert hannt, dat se op dat Projekt passe.

Eene von de jröttste Rääschverbiejer dobei es Thobens Chresta. CDU-Wehtschaffsminesterin en NRW. Die hät doch prompt de Vörschlach, noh dem jerechtleche Us för de EON-Baustell en Dattele e nü Planverfahre op'm Wäch ze brenge, met de Wöht jefiert: "E wechtich Sichnal för … de Verlässlechkeet von de Polletek jäjeöwer von Envestore"! Schönder on dütlecher kammer Klientelpolletek fass nit mache. Da künne sech sowoll de Sponsorebreefverschecker Jörjen Rüttjers als och Hotelmiehwähtstüersenker Jido Westerwelle en decke Schiev von afschniede.