of et ne Jott jövt odder nit, doröwer jonnt de Meenonge usenanger. De Klerikalebajasch es natörlech för ne Jott, weil denne annesöns de Räsong dÄtre fottbreche wöhd. Angere, die sech e paah Jedanke mieh jemaht hannt, jlöwe nit an em. För zom Beispill: Deschners Charly Drickes, Dawkings Richi on ech. Noch angere widderöm - wie de Alde Fritz sare, dat malk noh sinn eejene Fassong selich wehde soll.

"Et jövt (met an Secherheet jrenzende Wahrschinglechkeet) kinne Jott" es dat Motto von en weltwiede Kampanje, die dank Möllers Fipp jetz och Deutschland erreecht hät. Hä on sinn Konzohte hannt ne Doppeldeckerbus jechartert on met entsprechende Botschafte beklävt. Jetz jonnt se domet op Opklierongs-Tour. Start am 30. Mai en Berlin. Friedach, 5. Juno, rollt de rode Henkicker dörch Düsseldorf. Tillys Jack on dat Kommödche-Ongsombel wolle metfahre. Ech och.

Dat met däm eejene Bus wor nödich, weil fass alle öffensleche Verkiehrsbetriewe zo schissich wore, an ehre Busse sonn Plakate draanzekläwe, ofwoll se doför Jeld jekritt hädden. Nor die en Esse hadden en Zosach jejowe. Dann send do äwwer e paah Klerikalfascheste so sehr dojäje Storm jeloope, dat de EVAG Muffesause jekritt on ne peenleche Röcktrecker jemaht hät. Die Artekele 4 on 5 vom Jrondjesetz send denne woll ejal.