wat e rechtich Problem es, es de Sach met de Relejone. Dovon jibbet ne janze Hoope. Jäde Vörtorner von sonne Vereen konstateeht, dat sinne Jott dr eenzich wohre wör. Weil dat äwwer schonn mattematesch nit sinn kann, wenn se dat all deklameere, kann et eo ipso och nit stemme. För öm dat Problem ze löse, jibbet janz vill schlaue Böhker. E nü Kengerbohk dodröwer heeßt "Wo bitte geht's zu Gott? fragte das kleine Ferkel". Ongertitel "Ein Buch für alle, die sich nichts vormachen lassen".

Dodren wöhd dat Problem ratzfatz op dr Ponkt jebraht on och jelöst. Weil dat nu äwwer zwangslööfich de Räsong dÄtre von alle Jeeslechkeet ad absurdum föhrt, deht dat Bodempersonal (Beschöff, Muftis on Rabbis) vehemenz dojäje anjonn. Do send die nit zemperlech, on jedes Meddel es denne reiht. Se hant sech och nit entblödet, ze versöhke, dat Bohk op dr Endex setze ze losse. Morje soll de Bondespröfstell för jurendjefährdende Medije (BPjM) doför entscheede. Mol sünn, met wievill Weesheet die jeschlare send.