Droomberof: Lokkomotev-Föhrer


Leev Lütt,

wemmer als Panz jefrocht wohd, wat mer denn mol wehde well, jov et ne janze Hoope von Droomberöf. Zoehsch kome natörlech die, die nit so enfach ze rejaleseere wore: Kaiser, Könich, Prenz odder zomennes Cowboy odder Trapper. Dat kannte mer us de Märcheböhk on von de Speelches. Späder wohde de Vörstellonge rejalestescher: Liehrer wor jot, weil die hadden de mieschde Ferije. Pastuur, weil die mösse nor sonn- on fierdächs ärbiede. Kfz-Mechaniker, weil do kannste dinne Autos selfs opmotze on repareere.

De Krönong äwwer wor Pilot odder Lokkomotev-Föhrer, weil do kömmste vill röm. On dat nit nor för ömmesöns, wo angere vill för bezahle mösse, songern do kresste sojah noch Jeld doför. Dat wor schleihthen dat Nonplusultra! Dat es och so jebleewe. De Minijewerkschaff JDL kann et sech leeste. "Alle Rädches die stont stell, wenn onse stärke Ärm et well!" För Pendler es denne ehr Forderong von bes zo drissich Prozent mar en jlatte Erpressong.


Nix för onjot. Bes nähste Woch
Üere
Charle-Manes