als för dä babylonesche Prenzrejent Bel Schar ra-Usur (och bekannt als Belsazar) opjrond von de viele Mest, de hä jemaht hadden, em Johr 539 vör Chrestos de Ziet jekomme wor, för ze jonn, hät hä e Zeeche jekritt: "Mene mene tekel u-pharsin" schreew dr leewe Jott met Füerbochstawe an de Wangk. Weil sinn Hoffschranze nit wosste, wat dat ze bedüde hät, hät ehm de jüdesche Prophet Danni dat dann öwersetzt: "Jezällt, jewore on för zo leecht befonge". Dat wor de Anfang vom Engk vom Prenzrejent.

Ehr hat et enfacher. Jabi Pauli, en Propheten us Fürth, säht mem Höhnerkläuke, dat et en Bajuwarie jetz och Ziet wör för "e demokratesches Verfahre". Dat es Üer Menetekel! Öwerdrare heeßt dat: "Jetz esset Ziet för Üch ze jonn". Doht dat Zeeche rechziedich notze, domet et Üch nit eso jeht wies weiland däm Belsazar: Dä wohd nämmech kohz drop von sinn eejene Lütt erschlare. Nohläse könnder dat en de Bibel on en Heines Jedecht 'Belsazar'.