Afjanestan


Leev Lütt,

letzdens hadder dat Mandat för de Ensatz von de Bondeswehr en Afjanestan verlängert. Dat wor Blödsenn, de Ehr mar us Kompanei zo de Amis jemaht hat. Dat wor verkieht. Ons Freiheet moss nit am Hindekusch verteidicht wehde. On Ehr als zoständije Menester solldet de Jeschecht von de afjanesche Krieje kenne.

Zor Erennerong: Do wore zoehsch de 3 anglo-afjanesche Krieje tösche 1838 on 1919, die all met Katastrofe för de Tommis jeendt hant. 1979 kome de Russe on mosste 10 Jöhr späder met Schemp on Schand aftrecke. Dozo 3 Börjerkrieje, die kinne jewenne kunnt.

2002 meente de Amis se künnte et besser. Wä Afjanestan kenne deht, weeß, dat dat nit jeht. Ehr häddet och wesse mösse, dat de Bondeswehr sech do bloss en blodije Nos hollt. Dat wöhd noh de letzde onsellije Ereichnesse on nem wohrschingleche Ensatz em Söde mieh on mieh passeere. Ne jode Rot: Ehr kömmt do bloss rus, wenner de Zaldate so schnell wies möchlech aftrecke doht.


Nix för onjot. Bes nähste Woch.
Üere
Charle-Manes